هرتلة انتخابية

عندما تقف كل الكلمات والجمل الإعتراضية عاجزة عن التعبير امام هذا الموقف

اللى بيحصل دلوقتى دة نتيجة طبيعية لان الشعب ما استعيذش بالله من الشيطان الرجيم وهو بيدى صوته

عارف انا احساسى اية دلوقتى واكيد انت بتبادلنى نفس الاحساس ... عارف لما تكون تعبان وبتكشف عند الدكتور ممكن تقبل منه اى حاجة غير انه يكتبلك لبوس فى الروشتة ..

والنبى الناس اللى بتقول انها حتروح تطلع الباسبور يوم الجمعة الجاية .. حضرتك انا مستنى التأشيرة يوم الجمعة الجاية

عارف شفيق حيعمل فينا اية لو كسب ! ... اقولك ولا تزعلش

طب تصدقوا بقى انى حنتخب شفيق لان الشعب دة خسارة فى اهله انه يعيش يوم حر وماحدش يقولى دم الشهدا ... الشهدا هما اللى غلطانين لانهم ماتوا علشان شوية ولاد مــــــ**

المنوفية ما كفهاش انها ولدت لمصر اسود 30 سنة فى حياتها دة كمان بتبيض عليها بـ 4 سنين

مجرد حلم

هو انت عندك حلم؟
اكيد طبعا اى حد عنده حلم..
ممكن اعرفه
اية الغتاتة دى ... طب تعالى معايا ... حوريك حلمى !
شايف الحلم اللى هناك بعيد خالص دة
 فين !! انا مش شايف حاجة !!
اهو الحلم اللى ماحدش قادر يشوفه دة بقى يبقى حلمى

ضحكة العشاق

يا ضحكة العشاق فى عيون ولاد تايهيين 
يا فرحنا بالقمر يا لعبنا فى الطين 
ومرجيحة وسط الشجر بتطير شمال ويمين 
يا غروب الشمس واحنا قاعدين مستنين
وبرج حمام فى غنوة بيجمع الاتنين
يا جريهم فى الشارع ورسمهم على الحيط 
يا توتة فى ظلها رسملهم الف بيت 
وقطفنا للورد ومشينا فى الغيط 

امانة تقولولها مشتاق الولد فرحتها ضحكتها لمعة عيونها وكسرة الخدين

بنوتة بضفيرتين

مركب مرساها قلبى وشطها غايب

وشراعها الف لون فى دمى انا دايب

حكمت يكون صيادها بنوتة بضفيرتين
ضفيرة فى الشمس تلمع والتانية تخزى العين

وصنارة كانت ضحكة وطُعمها الخدين
وكنت انا خُطفها والصيده والمعازيم

رفقا سيدتى ..

رفقاً بفارسٍ صابه سهم الهوى سيدتي
وحاصرته رماح الشوق والعشقِ
واستسلمت لرياح الحب حصونه
وسلمت مقاليد الحكم ليدكى

رفقاً سيدتي ..

فسلاحك لا يعرف له درعاً
وهاهى سيوفه أصبحت عاجزتاً
ورفعت رايتى البيضاء منكسراً
فأسير الهوى لا ذنب عليه ولا حرجاً

رفقاً سيدتى ..

فقد كان فارسً لا يعرف للهزيمة رفيقا
وغزى مدن العاشقين يقاتل أمانيها
وهاهو قلبه يدخل غزوة خاسر فيها
فيا قلبى حارب ولا تخف فإذا مت فستجد
فى قلبها مقبرتا ستُكتب شهيداً فيها

الفتى فى السياسة !

من بداية الثورة لحد دلوقتى والناس ما بطلتش فتى فى السياسة
تركب المشروع والاتوبيس والتاكسى تلاقى الناس يتفتى تروح الكلية وعلى القهوة وفى الشارع تلاقى الناس بتفتى
ومن الجانب التانى تلاقى تعليقات زى

- هو خلاص كل الناس بقت بتفهم فى السياسة دلوقتى
- الناس كلها قاعدة بتفتى فى السياسة يا جدع
- بقالكم 30 سنة مكتومين ودلوقتى الناس كلها بقت بتفهم وبتحلل وتتوقع

يعنى حاجات زى كدة ..

دلوقتى لما واحد ما بيفهمش فى الطب ويفتى فى الطب اكيد الفتى بتاعه دة ممكن يعمل مصيبة ويتسبب فى موت حد او يجى بنتايج عكسية

ولو واحد ما بيفهمش فى الهندسة وتتطوع مشكورا وافتى فى الهندسة ممكن الفتى بتاعه دة يتسبب فى كارثة

ولو حد ما بيفهمش فى الدين وقراله كام كتاب وبدأ يفتى فى الدين زى ما هو عاوز الفتى بتاعه دة مش بس حيضره دة كمان ممكن يضر اجيال بعد كدة

انما لما واحد يبدأ يفتى فى السياسة الفتى بتاعه دة مش حيموت حد ولا حيتسبب فى كارثة إنسانية ولا المجتمع حينهار لما يفتى

انا مش بقلل من قيمة السياسة بالعكس السياسة لا تقل قيمة ولا اهمية عن الطب والهندسة
انما مش معنى انه بيفتى انه صانع القرار !!

فلما تلاقى حد بيفتى المفروض تفرح مش تزعل لان الشعب عاوز يكون واعى سياسيا والمفروض لما تلاقى حد بيفتى تقف تفتى معاه مش توبخه لانه بيفتى

واللى بيفتى دلوقتى بكرة حيأخد قرارات سياسية ... اينعم ممكن يلبسنا فى الحيط بس قشطة يعنى D:

ملخص الانتخابات

1 - الاخوان اكتر ناس معاها فلوس(ربنا يزيد ويباركك دة مش أر).

2 - فلوس الدعايا الانتخابية من كل الاحزاب والافراد تأكل قرى الصعيد لمدة سنتين قدام بدون مبالغة.

3 - لابد من اصدار قانون ينظم الدعايا الانتخابية لسبيين

اولهم : هى كمية العشوائية والهمجية فى تعليق ولصق الدعايا بتاعت المرشحين ولازم يا اما يتفرض غرامة (والحكومة هى اللى تنظف) يا اما يلزمهم بأزلة الحاجات اللى عملوها دى بعد الانتخابات.

ثانيهم : وهو تكافأة الفرص بين المرشحين لانه من الواضح ان اللى معاه فلوس ويقدر يطبع ويوزع ويعلق وينتشر هو اللى حيكسب فى حين ان فى ناس كتييييييييييييير جدا اكفأ منه ومع ذلك مش حينجحوا لانهم مش معاهم فلوس.

المفروض يتعمل اماكن مخصصة للدعايا والاعلان عن الانتخابات وتتقسم الاماكن دى بالتساوى على المرشحين فى اماكن مختلفة علشان يكون فى تكافأة فرص اكتر.

4 - ياريت يرجعوا الحبر البمبى تانى علشان الازرق دة مش حلو.